مجرد دردشة مو أكثر ...
فكرت لمن أخلص جامعة راح ألاقي شغل ع طول .. ع الأقل بطالة المهم شغل واله
مرتب محترم .. ما بعرف يمكن
كان طموحي كبير وخاصة اني اشتغلت قبل هيك بألعاب الصيف
وكان الراتب محرز !
ويوم ما أخذت شهادتي كان أسعد يوم بحياتي وما زال ..^_^
بس صعبت عليا نفسي كثير اني أخر الطريق
راح أعلق شهادتي بالمطبخ زي ما بقولوا ...!!!
أنا ما يأست ودروت ع شغل ضليتني اسبوعين .. وانا ببحث عن فرصة للعمل
قدمت شهادتي بمراكز معينة وتابعت إعلانات النت دايما ...
بس للاسف يا بلاقي المركز مكتفي بالمدرسين يلي عنده يا بده شهادة
خبرة بس من وين اجيب
شهادة خبرة صحيح درست مادة الرياضيات لمعظم المراحل لمدة
أكثر من سنتين بس كان بالبيت عنا
طبعا جدران البيت هي شهادة الخبرة والدليل ؟؟!!
فكرت هالشئ سهل راح ألاقي مركز محترم براتب محترم بس ما كنت
أعرف انو هذا (حلم ابليس بالجنة !!)
وانه فش اشئ بساهل ممكن أحصل عليه .. الواحد تقريبا بتخرج
من الجامعة مش ع طبق من فضة ممكن يلاقي وظيفة
الإ اذا فيتامين واو عمل مفعوله !!
وخاصة عنا بغزة العزة ع قولهم ^_*
أي حد بسمع اني خريجة 2011 و بدور ع شغل بضحك !!
بحكولي ليش مستعجلة ع الشغل ؟
غيرك متخرج اله سنواااااات ومش لاقي وظيفة في هالبلد ..
وطبعا الوكالة المحترمة ( الأونروا ) بحكوا انها بتقدم خدمات للاجئين ؟
هيك بسمع !!
كل ما نابها بتقلص من خدماتها !!
غريبة اجت الشغلة بالاخر ع رؤسنا احنا خريجين 2011 !!!
وطبعا ما ننسى الحكومة يلي مش قادرة توفر رواتب لموظفينها عشان تفكر
يعني توفر فرص عمل وبطالات للخريجين .. *_$
بالاخر لقيت شغل .. بمكان كنت قبل سنتين بتمنى اشتغل فيه
حتى لو كان تطوع ...
بس لأنه كان تابع للوكالة وبقدم خدمات كثيرة منيحة للمجتمع
بس بالاخر صار تابع للحكومة وطبعاااا فش دعم زي الأول ..
ما بنكر اني مرتاحة نوعاً ما ..
ع الأقل بحرق ساعات كثيرة من الملل بشئ مفيد الي وللطلبة ..
صحيح الراتب مش محرز بس راح اوفر حق المواصلات بالاخر ..
وأخذ شهادة خبرة راح تساعدني لقدام كثير ...
وهذه بداية طريقي بمسيرتي المهنية .. لعلى وعسى أجد وظيفة أفضل لقدام ..
إلى أين ستأخذني دروب الحياة ..
لا أعلم
ولكن ع أمل أن يتحسن الوضع ..
قررت أن اكمل مسيرتي التعليمية أرجع للجامعة وادرس سنة رياضيات
ليصبح معي شهادتين ..
وهالشئ ع بداية السنة الجديدة .. ان شاء الله
لان ظروفي لا تسمح لعلى وعسى أن يتغير الحال ليومها ..
تحياتي العطرة
مدام اخترتي ان يكون اسمكِ بالمدونه ( عاشقة الأحلام الورديه )) شو المانع ان تكون احلامكِ فعلاً ورديه ,
ردحذفلا تفكري كثير بفيتامين واو لانه راح يخليكِ توقفي بمكانكِ , الآن بين يديكِ شغل الحمدلله و بكرا مع الايام ان شاءالله بتلاقي شغل احسن ,
و ممكن توفي زياده عن حق المواصلات ^_^
كل الخير لكِ
هههههه ان شاء الله يا اخي منصور ^^ ...
ردحذفانا ما يأست ومش معتمدة ع فيتامين واو ولا ع حد متوكلة ع الله .. وكل واحد بأخذ نصيبه ..
مشكور ع مرورك العطر
تحيتي
عاشقة اللأحلام الوردية : اسمك برجعني لزمن تاني بس بجد لقب حلو ..
ردحذفبخصوص رحلة البحث على العمل, لسه في قدامك وقت لا تخافي الله بيعطي كل واحد نصيبوا , اذا تأخرت شغلة أو راحت منك شغلة بكون ربنا مخبيلك شغلة أحسن من الي بتمنيها صارت معي قبل هيك .....
اه تسلمي يا سكر زيادة واكيد هالشئ والله يوفق الجميع يارب ..
ردحذفمنورة مدونتي يا عسل ^^