طريقة عمل المبروشة ..^^

السلام عليكم .. يسعد مساكم يارب ^_^ 

كل عام وانتم بخير .. اليوم حبيت اغير اشوي بالمدونة تبعتي وانزل اول اكلة انا عملته

بيدي وهي المبروشة وهاي اكلة مشهورة عنا بالشعب الغزاوي :) 

نبدأ .. بسم الله 

أولا: المقادير :

* كوب ونص سكر مطحون 

*5 اكواب طحين 

* 5 بيضات 

*5 بيكانج بودر و 5 فانيلا 

* مربي بالفراولة او غيره كله بمشى 

* كوب ونص سيرج 

بالنسبة للكوب وهو بمقدار كوب العصير الكبير ^^

بنضيف 5 اكواب الفانيلا ع البيض وبنخفقه 

وبنضيف 5 بيكانج بودر ع الطحين وبنخلطه مع بعض

هلأ ثانيا : الخطوات بالصور .. 

1-  بنضيف السيرج و السكر المطحون ونخلطهما مع بعض 

2- بنضيف البيض المخفوق على السكر والسيرج

3- بعد هيك بنضيف الطحين حسب الحاجة حتى تتماسك العجينة

4- بنخلط الطحين بالخلطة حتى يتماسك

5- أصبحت العجينة متماسكة زي ما انتوا شايفين .. بعد هيك بنقسم العجينة قسمين 

قسم بنفرده بالصينية و القسم التاني بنبرش فيه ..

6 - بنجيب الصيبنة وبنضيف القليل من السيرج بعد ذلك بنفرد العجينة بالصينية

7- نقوم بوضع المربي ( الفراولة ) فوق العجينة

8- هيك بنكون خلصنا الجزء الاول من العجينة

9- بنقوم ببرش الجزء الثاني من العجينة باستخدام المبرشة زي مافي الصورة 

اذا كانت العجينة طرية ممكن نخلطها ببعض الطحين حتى تتماسك ومن ثم نعمل عملية البرش 

10- تستمر عملية البرش لكل الصينية زي ما انتوا شايفين ^_^

11 - بنخلص من عملية البرش وبنحصل ع هذا الشكل وبنحطها بالفرن ع نار متوسطة 

وبنضل عند الفرن  لانو ع طول بتستوي ..

12- وبهيك بنحصل ع المبروشة وصحة وعافية يارب 

يارب تكونوا استفدتوا من شرحي :) 

سلامات لطبق اخر ^^